2015_mai_juin_jeu_de_paume
001 - FRAD041_3_E_10_1499 - page 1
Transcription :
Devis de la besongne de maçonnerie
qu’il convient faire en ung jeu de posme
appartenant à René Montoiseau dit Chandion près des trois
volletz
Premièrement
Fault ung costé de meuraille appellé
bricolle du jeu qui est à présent et sera relevé
devers le vent d’aval et planter une
t[oi]se et demie ou environ au dessoubz
de celle qui y est à présent à telle fin
que le jeu ait quatre thoises et demye de dedans
si en dedans faire ce peult, laquelle bricquolle
sera faicte de Bourray fandu en deux
lequel Bourray fera parement dedans
le jeu et y aura en plusieurs lieux des
boutisses là où l’on verra qu’il en sera
002 - FRAD041_3_E_10_1499 - pages 2 et 3
Page 2
de besoing, et auront lesdictes meurailles
deux pieds de creux dans terre au dessoubz
du carrelage qui est
à présent deux cents thoises, laquelle muraille aura dépesseur
deux piedz jusques à haulteur du carreau que l’on
carrelera de nouveau, qui sera monté
et haulte de deux piedz plus hault
que n’est celuy qui est à présent et
au dessus de la muraille. Elle aura
vingt poulces par le mitan à revenir et ung
pieds et demy par a hault d’icelle meuraille,
laquelle muraille qui est de bricolle vers
le vent d’aval aura vingt de haulteur depuis le carreau de,
en conter en ce vingts assietes,
Bourray, l’un sur l’aultre assis à chau et
sable et ne seront maçonnés de derrière
chaque pierre, de moeson et à chau et sable et
Page 3
l’épesseur
desdictes meurailles cy devant nommées
aussy fault ausdict devers soullere une muraille
qui sera enlevée de la mesme haulteur, espesseur
et largeur que celle cy devant nommé
Item fault faire de l’aultre bout du jeu
qui est vers le vent de gallerne ung
muraille de mesme haulteur, espesseur et largeur que
celles cy devant nommée ausquelz boutz
tant des ventz de soullère que
du vent de gallerne sera faict la maçonnerie
de pierre de moison chau et sable
jusques à la haulteur service du jeu ; et
au dessus du service sera faict une muraille de Bourray
fendu en deux comme il est par y cy-
devant nommé avec boutice et maçonnerie
par derrière commet
les autres murailles de davant et pierre de
de moison, chau et sable
Page 4
Plus fault faire des galleryes qui
seront de la longueur du jeu devers
le vent d’amont, lesquelles galleryes auront
trois piedz de haulteur d’acoudouer,
et les meurailles d’icelles auront
d’epesseur neuf poulces, lesquelles galeries
seront aussy faictes de pierre de Bourray par le
dedans dudict jeu, et pardevant maçonné
de pierre de moison à chau et sable
[…] et sera faict ledit jeu de
paulme de la mesme façon, construction et matière
que celuy de Jehan Chaucifrand assis au bourg
St Jehan Fois des longueurs et largeurs de dessus a tenu
Lequel jeu sera carrelé de carreau d’Autunville
et Marchesnoir qui aura cinq
Page 5
poulces de largeur ou plus s’il s’en trouve
[…]