Toutes lesquelles fournitures cy dessus des lesddits Messier et Aultruy, l’ung pour l’autre et chacun d’eulx seul pour le tout sans division ne discussion renonceant ausdits droictz et benefices de division, ont promys, seront tenuz et promectent de fournir et livrer audict seigneur de la Chastre ou au porteur des presentes lectres pour luy selon ainsy et pour les prix dessus declareéz ; lesquelz prix et sommes de deniers à quoy se monteront lesdites fournitures ledict seigneur de La Chastre a promis et promect de bonne foy paier et bailler ausdits Michel Messier et Simon aultruy, leurs hoirs et ayans cause ou au porteur des presentes lectres pour eulx par chacun premier jour du moys dont le premier terme, mois et jour commencera et eschera le premier jour du mois de decembre prochainement venant et continuera de la en avant et chacun mois durant ledit temps, sur lequel present marché de fournitures susdictes, lesdicts messier et autruy confessent avoir eu et receu dudit seigneur de La chastre la somme de cinquante escuz d'or soleil, dont et delaquelle somme iceulx Messier et Aultruy se sont tenuz et tiennent pour comptans
//
satisfaictz et bien paiez, et en ont quictez et quictent ledict seigneur de La Chastre, ses hoirs et tous autres, laquelle somme ainsy paié comme dict est, sera deduicte pour chacun des cinq premiers mois de ladicte annee dix escus sol dont le premier mois et jour de deduction commencera et escherra le premier jour de decembre prochain venant et continue ladicte deduction de mois en mois jusques a ce que ladite somme de cinquante escus..soit entierement deduicte ;
A promis, sera tenu et promect fournir et fere livrer par chacune annee ausdit pourvoyeurs une couverture sur laquelle seront figurees les armes et escusson dudit seigneur de la Chastre ; et pour fere laquelle fourniture seront desfrayez et nourriz de bouche l'ung desdits pourvoyeurs avec ung homme et ung cheval avec luy au trein dudict seigneur et seront logez par son fourrier par tout ou il yra.
Le present contract et marché et promesses ainsy faictz et dict est en la presence de Jacques de S... escuyer et de La Croix maistre d'hostel, noble homme sr Charles Mazelin prestre, Jehan …. argentier de la maison dudict seigneur de La Chastre qui ont assisté au present accord et marché.
Et promis … ledict seigneur y satisfere
Promectant etc,, obligeans etc., renoncant etc. Fait et passé a Bloys en la maison du sieur Darton ou ledict seigneur est logé de presens.
De noble homme Mathieu de … herault d’armes de France et Jehan Daubert clerc

En savoir plus