©Conseil général de Loir-et-Cher
Le vingtcinquiesme jour d'octobre l'an mil VC IIIIXX huict avant midy
Pardevant Loys Herpin notere et tabellion du Roy notre sire es ville, conté et bailliage de Bloys, furent presens personnellement Michel Messier et Simon Aultruy marchans provoyeurs demeurant à Paris rue Sainct Martin parroisse Saint Laurens, estans de presens en ladite ville de Bloys, lesquels voluntairement l'ung pour l'autre et chacun d'eulx seul pour le tout et sans division de partie, renonceans aux benefices de ladicte division ordre de droict et de discussion ; congnurent et confesserent avoir faict marché, promis et promectent à hault et puissant seigneur messire Claude de La Chastre, chevallier des deux ordres du roy, conseiller en ses conseil d'estat et privé, cappitaine de cent hommes d'armes de ses ordonnances, son mareschal general de camp en ses armées, gouverneur et lieutenant general pour Sa Majesté à Bourges pays et duché de Berry, estant de presens en ceste ville de Blois logé au logis du sieur Darton assise de Chemotom parroisse Sainct Honoré, à ce presens, stipullant et acceptant pour luy ; de fournir et livrer par lesdictz Messier et Aultruy pour la maison et train dudict seigneur de La Chastre, toutes et chacunes les especes de marchandises tant de chair que de poisson qu'il conviendra et seront necessaires pour ledit sieur de la Chastres, ses maison et train pendant et durant le temps de une année entiere à commencer au premier jour de novembre prochain venant an present mil VC IIIIXX huict pour continuer de la en avant par chacun jour durant ledict temps de ladicte année, et icelles provisions et fournitures fere et livrer par iceulx Messier et Aultruy en quelques lieux, places, pays et contrées que ledit seigneur de la Chastre et son train //