Transcription :

1. Loys par la grace de Dieu Roy de France a noz amez et feaulx les gens de noz comptes à Blois salut et dilection

2. Savoir nous faisons que pour considéracion et en recongnoissance des bons grans louables et très agréables services

3. Que nous a parcidevant et des longtemps faiz n[ot]re ame et féal conseiller Jaques Hurault trésorier de France tant

4. Auparavant n[ot]re advenement à la couronne que depuis à la direction et conduicte de noz principaulx affaires et pour

5. Diceulx aucunement le récompenser et principallement du voyage qu’il a fait dela les mons pour le fait et recouvrem[en]t

6. De n[ot]re pais et duche de Millan et pour autres considéracions a ce nous mouvans a iceluy avons donné et quicté

7. Donnons et quictons de grace espécial par ces p[rése]ntes tout droit et prouffit de fief quint et requint denier et

8. Autres droiz et devoirs quelzconques en quoy il nous peult estre tenu et reddevable a cause de l’acquisicion par lui f[ai]cte

9. De la terre et s[eigneu]rie de Bury assize en n[ot]re conté dudit Blois a quelque valleur et estimacion que ledit droit et prouffit de

10. Fief puisse monter. Si vous mandons et enjoignons que en faisant ledit Jaques Hurault joyr et user de noz p[rése]ns

11. Don et quictance vous par n[ot]re receveur ordinaire en n[ot]red[ict] conte de Blois l’en faictes tenir quicte et paisible et

12. Par rapportant ces p[rése]ntes signées de n[ot]re main et quictance [……].

16. Donné à Lyon le XVIIIe jour de may de l’an de grace mil cinq cens et de notre regne le IIIe

Loys

Par le roy
(contreseing coupé)